Yellow Papers / Erakundeetako partaidetza-eredua Zein da gehien komeni zaiguna?

Duela gutxi, erakunde bateko pertsonak estrategiarekin lerrokatuta egotearen garrantziaz hitz egin dizuegu, etorkizuneko proiektu bat partekatzea sustatuz eta, horrela, ahalegin guztiak interes eta norabide berera bideratuz.

Helburu horiek lortzeko hainbat modu daude; horietako bat da enpresan Partaidetza Ereduak sortzea.

Langileek enpresan parte hartzeak eragin zuzena du enpresaren emaitzetan, eta hainbat modutan gauza daiteke: kapitalean, emaitzetan edo enpresaren kudeaketan bertan parte hartzea.
JAMAI Group enpresa Adunan dago, eta balio erantsiko zerbitzu integrala eskaintzen du, industria-produktuak hornituz trenbide-, eolika- eta automozio-sektoreetan. Brasilen edo Txinan, esaterako, ekoizpen-plantak ditu, eta zerbitzu global eta kalitate handiko hori bezero guztiei eskaini ahal izateko, beharrezkoa ikusten du balio-katea eta barne-prozesuak koordinatzea eta lerrokatzea, prozesu horretan funtsezkoa den diziplina anitzeko talde profesional batek gauzatuta.

Ikuspegi horretatik, Jamaik beharrezkoa ikusten zuen sistematika bat garatzea pertsona horiek enpresaren funtzionamendu globalean inplika daitezen, eta ieTeametik proiektu bat diseinatu genuen, zeinean parte hartzeko eredu berri bat definitzen eta abian jartzen lagundu baitiegu.

Horretarako, Jamairen berezitasunak eta helburuak kontuan hartuta, hasiera batean enpresan parte hartzeko modurik egokiena aztertu zen, taldearen beharretara eta interesetara egokitutako eredu bat diseinatuz. Behin zehaztuta, martxan jarri zen, eta prozesu osoan zuzendaritza-taldea eta langileak sartu ziren.

Prozesu honetan kritikoa da hasieratik langileen ikuspegia txertatzea: pertsona bakoitzaren engagement maila, bizi-unea eta itxaropen profesionalak aztertzea, eta proiektu honekin lortu nahi diren helburuak eta xedeak beti argi uztea.

Ez dago eredu parte-hartzaile hoberik beste bat baino. Lehen esan dugun bezala, garrantzitsuena enpresa bakoitzerako eredu optimoa definitzea da, helburuak, enpresa bakoitzaren estrategia eta erakundea osatzen duten pertsonen interesak kontuan hartuta. Horrekin guztiarekin, erakunde bakoitzera erabat egokitutako Partaidetza Eredu bat diseinatzea lortuko dugu.